Njoftim për vënd vakant për anëtar të Këshillit Kombëtar!

Të nderuar anëtarë të Urdhrit të Psikologut,

Ju njoftojmë se, për arsye të vendit vakant të mbetur në Këshillin Kombëtar, për shkak të dorëheqjes së një prej anëtarëve të tij, Urdhri i Psikologut hap procedurat e kandidimit për këtë vend deri më datë 30.06.2018. Kandidatët që plotësojnë kriteret ligjore do të votohen nga Asambleja Kombëtare e Urdhrit të Psikologut në Republikën e Shqipërisë.

Kandidati duhet të jetë pedagog i psikologjisë, me gradë shkencore Profesor ,Profesor i Asociuar ose Doktor Shkencash, që punon në institucione të arsimit të lartë, nga universitetet publike dhe private, si dhe të plotësojë kriteret e përcaktuar në nenin 17 të Ligjit 40/2016 “Për Urdhrin e Psikologut në Republikën e Shqipërisë” dhe të nenit 29 të Statutit të Urdhrit të Psikologut, të cilat  janë:

a) të jetë shtetas shqiptar me banim të përhershëm në Shqipëri

b) të jetë anëtar i Urdhrit të Psikologut

c) të ketë përvojë jo më pak se 5 vjet në ushtrimin e profesionit të psikologut

ç) të mos ketë marrë masë disiplinore në 5 vitet e fundit dhe të mos ketë asnjë precedent penal.

*Lutemi që kandidatët të paraqesin një kërkesë pranë zyrave të Urdhrit të Psikologut, e cila do t’i bashkangjitet dosjes me dokumentat e tyre të dorëzuara pranë administratës së Urdhrit.