Njoftim për bursë!

Organizata Amerikane e Psikologëve (APA) i bën thirrje të gjithë psikologëve të interesuar që duan të punojnë pranë Organizatës Botërore të Shëndetësisë (OBSH) në departamentin e Shëndetit Mendor dhe Abuzimit me substancat, se kanë filluar aplikmet për të punuar për 1 vit pranë këtij insitucioni.Pjesëmarrësit do të fokusohen më shumë në çështjet që lidhen me Planin e Veprimit të Shëndetit Mendor të OBSH-së që synon të promovojë mirëqenien mendore, të parandalojë ç’rregullimet, të përmirësojë shërimin, të promovojë të drejtat e njeriut dhe të reduktojë vdekshmërinë, sëmuendshmërinë dhe paaftësinë për personat me çrregullime mendore. Bursa 12 mujore përfshin edhe mundësinë për të vizituar qendrën e OBSH në Gjenevë, Zvicër.