KOMISIONI ETIK I GJYKIMIT DISIPLINOR PROFESIONAL

Elona Hasmujaj, ka përfunduar studimet doktorale në Psikologji pranë Universitetit të Tiranës. Prej 12 vitesh është lektore e Psikologjisë në universitetet publike dhe jo publike të vendit. Profili i saj akademik dhe kërkimor përfshin fushen e Etikës në Psikologji, Shprehive të komunikimit, Psikoterapisë dhe Psikologjisë Sociale. Ajo është psikologe klinike, zhvillimi dhe marrëdhëniesh, trajnuese dhe eksperte e jashtme e aktiviteteve të Edukimit në Vazhdim pranë Urdhrit të Psikologut. Ka më shumë se 10 vjet përvojë pune si psikologe në mjediset klinike dhe ligjore, ku vlen të përmendet kontributi në vlerësimin psikologjik, diagnostikimin dhe trajtimin e individëve dhe grupeve në nevojë.

Naureda Bajraktari ka përfunduar studimet në psikologji në vitin 2000. Ajo ka 23 vjet përvojë pune në projekte të organizatave të shoqërisë civile, kryesisht pranë QSHPLI. Puna e saj ka konsistuar veçanërisht ne ofrimin e shërbimit psikologjik për grupet vulnerabël, familjet dhe fëmijët. Që prej vitit 2003, ajo është angazhuar në ofrimin e asistencës dhe hartimin e vlerësimeve me kërkesë të institucioneve të sistemit të drejtësisë. Në partneritet me OJF të ndyshme vendase dhe ndërkombëtare, ajo ka kontribuar me ekspertizën e saj në realizimin e trajnimeve të ndryshme, si dhe hartimin e disa udhëzuesve, protokolleve të punës për profesionistët e drejtësisë, si dhe shërbimeve sociale në Shqipëri e po ashtu në përgatitjen e vlerësimeve të projekteve, studimeve të fizibilitetit etj. Një nga drejtimet kryesore të punës së saj në vitet e fundit, ka qenë angazhimi në projekte me fokus në zhvillimin e drejtësisë restauruese në vend.